Os meses son señores que fixeron as casas con cachos de lúa e pingas de auga. Xaneiro dorme na casa da choiva; Febreiro sopra cornos do vento; Marzo ten medo do lobo; Abril vai con paraugas; Maio tece un abrigo de flores e herba para ir á festa; Xuño é un poeta que debuxa estrelas no ceo da noite; Xullo failles sombreiros de nubes brancas aos cataventos; na casa de Agosto o sol pinta unha acuarela e xoga con estrelas de mar; Setembro ten uvas e nubes escuras; Outubro garda as zocas do trono para meter medo; en Novembro xa se anoxa o mar; o Nadal trae agasallos de festa, pon a neve nos tellados e vai para a cama a soñar. Son doce amigos sempre xuntos.
Historia en verso rimado na que as ilustracións xogan un destacado papel.