O señor mago Antón vivía só con tres ovellas nunha casiña no medio do monte. Unha tarde de outono, unha folla seca moi rara e fermosa pediulle que tivese coidado ao pisar pois mancáraa. El levouna para a casa, lavouna e púxoa na súa mesiña de noite. Cavilou que xa ía vello e se enfermaba non tería quen o coidase, polo que pensou en transformala cun feitizo: con pincel e témperas pintoulle o corpo. Ao que acabou, meteuna na caixiña dos desexos e pousouna na pedra da fiestra á noite estrelecida. Pola mañá, na caixa había unha nena adormecida tan fermosa como el a imaxinara. Espertouna e saudouno cun "Bo día, papá". Xa non estaba só. Tiña con el a Antía, filla de Antón.
O interesante traballo visual que acompaña o texto complétase no apéndice cunha "galería de bichiños" do monte que reúne os animais presentes en ilustracións mínimas.

Gracias por este fermoso relato e as marabillosas ilustracións.
Un conto precioso.
No cole da Lama, este ano estamos a traballar con el o outono. Ambientamos a biblioteca, facendo dela un espacio máxico ó que acudirán todos os nenos.
Tamara, a nena contacontos do cole e gañadora do concurso de contacontos organizado pola Xunta, relataralles esta historia do Mago Antón.
Esperamos vivir todos a maxia deste relato.
Gracias a Toño Núñez e a Suso Cubeiro.
Sería para nós outro soño que os autores nos fixeran unha visita.