Tanto lle rogaron os ratiños que Roxelio viuse obrigado a cumprir a promesa de levalos a ver as estrelas. Ensinoulles o Carro, as Marías, a Estrela Polar e a Lúa con cara de vella. Tamén pasaron medo na noite: asustounos a Curuxa que pasou voando, a luz dos vagalumes e o cantar dos sapos. De volta na casa, non tiñan palabras para contar a aventura.
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".