Ramón Loureiro: A saga de San Ferreol
Ilustracións de Francisco Pérez Porto
Ed. Biblos Clube de Lectores A Coruña, 2007

Historia en verso da lenda de San Ferreol, chegado nun barco bretón a terras de Ferrol, entre un coro de sete sereas. O Santo da Armórica amansou os lobos, espantou un dragón, subiu ao Santuario de Chamorro e profetizou que naquela Terza Bretaña nacerá a Cidade das Luces, chea de artistas e xentes de navegación. E nela os nenos terán un don: con cada conto que lles lean antes de durmir, eles no seu soño farán outro aínda mellor.
A edición, moi atractiva, presenta un texto mínimo, a partitura da canción de San Ferreol e ilustracións en clave pictórica, que engaden un gran valor ao texto.