É a historia dunha nena de familia humilde, Sabeliña, que un día abandona o fogar paterno na procura de mellorar a situación económica dos seus. Navega nunha lanchiña ata chegar a un afastado país habitado por un xigante caníbal ao que vai atender como criada, a pesar de que sabe que pronto lle valerá de alimento cando engorde. A espelida protagonista consegue fuxir da súa escravitude co tesouro do xigante e volver á casa dos pais.