Helena Villar Janeiro: Rosalía
Ilustracións de Ánxeles Ferrer
Col. Tres Pitas Brancas. Fundación Rosalía de Castro. Padrón, 2006

Pequena semblanza biográfica da xenial escritora galega dirixida á infancia. Cóntase de xeito breve e sinxelo o seu nacemento en Ortoño co mergullamento na cultura rural, a etapa de formación en Padrón, Compostela e Madrid, co coñecemento de Murguía e os avatares familiares, rematando cos seus derradeiros días na Casa da Matanza, a súa Casa-Museo.
Preséntase deste xeito unha autora solidaria coas mulleres e rebelde fronte ás inxustizas, sempre fondamente comprometida co país e a súa cultura, tal e como se pon de manifesto nos versos que acompañan o texto biográfico.
A edición inclúe evocadoras ilustracións a toda páxina que iluminan o texto.