Nunha fermosa casa entre árbores e flores vivían papá oso, mamá oso e o pequeno osiño. Un día radiante de primavera, logo de limpar a casa e preparar a sopa para a cea, saíron dar un paseo polo bosque. Esquecendo a boa educación que recibira na casa, unha nena, Riciños de Ouro, viu a casiña tan limpa e recollida que non resistiu a tentación de entrar. E, como tiña fame, ao ver a saborosa sopa tampouco puido pasar sen probala: a da cunca grande estaba quente, a da mediana, fría, pero a pequena, xusto como a ela lle gustaba, polo que a comeu toda. Logo, subiuse á cadeira más grande, pero estaba dura, a mediana, branda de máis e como a pequena éralle moi cómoda sentou nela, pero rompeuna co seu peso. Subiu entón ao cuarto a probar as camas, pero a grande era moi alta, a mediana moi baixa e a pequena éralle a xusta, polo que se deitou nela. Cando os osos volveron, atopárona na cama durmida. Entón ela espertou e saíu correndo pola ventá. E aprendeu a lección, pois desde ese día nunca volveu entrar na casa de ninguén sen pedir permiso primeiro.
Nova versión do clásico conto popular inglés en formato álbum.