Nesta adaptación a partir do conto de H. C. Andersen nárrasenos que onda o palacio do emperador da China había unha montaña, na montaña unha árbore, na árbore unha rama e na rama un reiseñor que coa súa voz facía rir o corazón. Mandado traer polo emperador, o seu canto emocionouno tanto que unha bágoa esvarou dos seus ollos e pediulle que quedase en palacio. Pouco botou, pois ao chegar outro co corazón de latón, regalo do emperador de Xapón, tornou á súa montaña.
Volveu cando o emperador enfermou e espaventoulle a morte. Pero non quixo quedar en palacio: volvería cantarlle cada día ao seu corazón desde a ventá.