Rato Tom e Rata Tomasa eran algo máis que amigos. Un día que ela o convidou a biscoito, chegou el tan cedo que, para que matase o tempo, ofreceulle viño e touciño. E tanto comeu e bebeu o rato que lle foi mal. Pensando que morrera de indixestión, Tomasa desgustouse, pechou a casa e púxose de loito. Coa tristeza, a cociñeira rompeu a ola na fonte, que, enteirada do caso, secou, polo que a laranxeira deixou caer as follas ao chan, o que provocou que os paxariños se desfixesen das súas plumas e por estes o ceo escureceu, ceibando unha boa treboada.
Cando por fin escampou, acordou Tom, deulle unha aperta a Tomasa. E foron os dous cear ao tellado.
Adaptación a partir do conto popular do Canadá. Como é característico na colección, o creativo traballo de ilustración preséntase en formato álbum a dobre páxina e a cores.