Nesta obra, o autor fai unha recreación en romance do conto da Ratiña Presumida, situando a coñecida historia nos arredores de Santiago de Compostela.
A ratiña protagonista vive nun pazo do Monte do Gozo. A sorte fai que atope un peso co que ha mercar un lazo para estar máis fermosa. A súa beleza, potenciada pola nova prenda, será reclamo para varios pretendentes que lle requiren amores. Sen embargo, a ratiña aprende de contado que é mellor non facer caso das palabras baleiras por moi fermosas que estas sexan.