Nun fermoso lugar, a toupa pariu tres toupiñas cegas. A primeira vez que saíron a pasear cantando, a rata Lambelata asustounas anunciando que lle gustaban as toupas. O segundo día quixérona desafiar pero liscaron con medo. O terceiro ela ameazounas con voz de xigante e ficaron desmaiadas. Case as come de non ser pola mai que as foi salvar e puxo no lugar delas tres toupas de mentira feitas de sal, allo e pemento picante. Cando a rata as quixo engulir, logo de cociñalas no barreñón, sentiu que lle ardía a boca. Liscou a todo correr ata o río grande.
E nunca máis volveu onda as toupas.