Colección de quince adiviñas presentadas en tres cuartetas nunha linguaxe poética coloquial. Presentan obxectos comúns da cotidianeidade doméstica (cepillo de dentes, reloxo, gafas, goma de mascar, termómetro, lapis, aspiradora ou lavadora...) ou da imaxinaria infantil (capitán pirata, a noite...). Un personaxe común, un mimo, ao que acompaña outro referente obxectual, escenifica a solución visual, desde unha concepción plástica moi limpa que non distrae a atención do xogo textual.
Edición en formato álbum con ilustracións a toda páxina e cores.