Son diversas as fórmulas para distribuír nos xogos a quenda para apandar. O patrimonio da cultura oral galega contén unha boa cantidade que en moitos casos están en perigo de desaparición, cos propios xogos, ou renovación.
Palmira Boullosa recolle neste libro un bo mangado delas, en verso sonoro e ritmo musical, desde as máis elementais ata as complexas e narrativas. Se algún día desaparecen da nosa memoria colectiva, sempre quedará este libro como testemuña documental.