Historia acumulativa que partindo da afirmación inicial de que a primeira figura é a princesa do Caurel, vai presentando por partes o chibo, a cabra, a auga, o lume, o pau, o can, o gato, a pega, o pano, o anel engarzados consecutivamente nunha cadea lóxica de sucesos. Ata o derradeiro: o pastor que atopou o pano co anel da princesa, que roubara a pega. Gañando así un bico dela.
O vistoso traballo de ilustración xoga coa presenza de obxectos (pinzas, pano, madeira, ferro, barro...) e das figuras modeladas.
Adaptación a partir dun conto tradicional europeo, na que as imaxes xogan un papel fundamental, adiantando na páxina anterior unha parte do motivo que cómpre adiviñar, que se desvela na páxina seguinte.