Nesta adaptación a partir do texto de H. C. Andersen cóntase que había unha vez un príncipe que quería atopar unha princesa das de verdade. Buscouna polo mundo adiante sen a atopar, volvendo á casa moi desilusionado.
Unha noite de treboada, apareceu pedindo acollida unha suposta princesa. A raíña preparoulle o leito pousando un chícharo no somier e vinte colchóns con vinte cobertores encima destes. Pola mañá, a rapaza contou que tivera un moi mal durmir por algo que a molestara e lle causara mesmo negróns no corpo. Esta si que era unha princesa auténtica. Entón o príncipe namorouse dela e o chícharo acabou no museo, onde aínda está.