Conxunto de catorce poemas en torno a referentes coñecidos do mundo infantil: animais familiares, a auga de chuvia, a nube, o vento ou o tranvía. Ademais, os mil mundos dun libro aparecen personificados en personaxes de contos clásicos e non faltan os xogos verbais a partir de antropónimos e topónimos.
A sonoridade e sinxeleza estructural, baseándose en elementos eufónicos e estructuras repetitivas, aproximan os textos ao folclore infantil.
As ilustracións a toda cor complementan o atractivo do conxunto cunha lectura visual.