Este conto popular portugués adaptado narra a aventura dun pito cairo que atopou unha saqueta chea de moedas de ouro escaravellando na terra e decidiu entregarlla ao rei. Polo camiño atopou un río; como non se quixo apartar ao seu paso, bebeuno; logo unha curuxa: comeuna; un piñeiro: enguliuno; unha raposa: zampouna. Chegado á corte real, o rei pensou en papalo ao velo tan gordo. Librou gracias á axuda da raposa, do piñeiro, da curuxa e da auga, que inundou o palacio. E o rei co medo devolveulle as moedas. Marcharon así os tres animais a carricho do piñeiro bogando polo río abaixo.
Aínda deben seguir polo mundo se ao piñeiro non lle deu por botar raíces.