Escrita en pareados, preséntase esta historia do Pirata Pata de Lata que co seu barco mariñeiro e o seu loro Simeón percorre o mundo enteiro. Este bucaneiro esperta cuns enormes desexos de loitar pero na súa embarcación non hai ninguén con quen poida pelexar agás un fantasma que alí habitaba. Decide que el será o seu contrincante mais o fantasma non está de acordo con esa decisión e prodúcese unha longa persecución.
Ao final, canso de tanto correr atrás del sen conseguir alcanzalo, déitase un anaco e soña cos combates que esperto non pode realizar.