Branco, amarelo, morado, laranxa, azul, marrón, verde, encarnado son as cores que protagonizan estes textos mínimos rimados. As accións son un xogo condicionado pola sonoridade das palabras buscando a rima.
A elemental intensidade do traballo plástico, coa correspondente cor enchendo cada par de páxinas, e a ortografía caligráfica procuran unha doada aprendizaxe e o fácil recoñecemento das cores por parte dos primeiros lectores.