O pelelliño pirata soñaba con viaxar ao mar azul, mais estaba triste porque non tiña un barco no que navegar. Coa axuda do pelelliño forzudo e o pelelliño inventor, que se trocaron en barcos, xa pode navegar. Como chove a cachón afúndense, mais non hai problema: convértense en submarino e navegan por baixo do mar.
Colección de historias mínimas protagonizadas por Pelelliños, uns seres máxicos que só os nenos e nenas poden ver. Poden cambiar de cor e tamén de forma, e gústalles moito xogar.
Edición en pequeno e orixinal formato con ilustracións a cores a toda páxina.