Tres pelelliños atopan no alto do monte un misterioso castelo abandonado. Entran nel e un poderoso ouveo asústaos. Cando pegan a correr fuxindo da pantasma caen por unha porta aberta e unha corda mol atrápaos antes de que se manquen. O seu salvador é o pelelliño pantasma, que soamente quere xogar con eles. E así acaban xogando os catro ás agachadas.
Colección de historias mínimas protagonizadas por Pelelliños, uns seres máxicos que só os nenos e nenas poden ver. Poden cambiar de cor e tamén de forma, e gústalles moito xogar.
Edición en pequeno e orixinal formato con ilustracións a cores a toda páxina.