Un peixe pequeno miraba as cousas do río: os zapateiros, os ambroíños, os cabezolos... cando de repente un peixe grande o enguliu. Conseguiu zafarse pola tapa das galadas. Desde entón aprendeu a fuxir dos grandes e tamén dos engados dos anzós. E fíxose tan cumprido... que agora é o rei do río.
Trátase dunha historia mínima, con unha liña por páxina e cunha ilustración minimalista. A súa presentación, en formato de caderno con arame en espiral, e a gramaxe do papel fana moi manexable para dar os primeiros pasos na lectura.