Os nenos xogan felices cun balón de coiro sen molestar a ninguén. Ata que irrompe un grandullón que lles quita o balón e dálle unha brutal patada. Alá vai o balón como un foguete. Chega a unha terraza onde un cidadán facía ximnasia. Pasa pola rúa provocando choques e potes. Molesta cos seus botes aos que descansan e aos que traballan. Provoca o caos no parque público e no zoo. Calquera sabe onde iría bater brincando, que se lle perdeu a pista...
Pero volveu, si. Despois de botar por aí adiante, acabou aparecendo nos pés dos rapaces, que xa puideron xogar tranquilos, sen que se soubese máis nada do grandullón abusón.