En Candaca, os xefes Mandamais, Mandapouco e Mandamenos non se poñen de acordo para gobernar a cidade. Mandamais decide convencer o ogro do castelo de que dirixa Candaca. Papá Ogro acepta moi ledo, aínda que, coma todos os ogros, durante o día fai que ama os veciños e pola noite devora todo canto pode. Deste xeito chégase a unha situación na que os poderosos amorean tesouros mentres o pobo é cada vez máis pobre. Mandamais e Mandapouco foxen coas súas riquezas e Mandamenos é devorado polo Ogro ata que, finalmente, a vila desaparece e Papá Ogro volve ao seu castelo.