Conxunto de dezaoito poemas para os primeiros anos da infancia. Comeza cos arrorós para conxurar os medos da noite, que pode vir coa compañía da chuvia, as estrelas e o luar. Veñen logo cantares a elementos da natureza como o vento, a lúa, o toxo e diversos animais. E non faltan os xogos de palabras que utilizan a eufonía e a repetición para crear unha sinxela estructura musical. O último texto é unha viaxe polos países de Nonseiqué, Nonmedigas, Quemedís, Nonseionde e Nonseimáis.
As ilustracións a cores completan a lectura lúdica dos versos.