Luísa e familia foron no coche novo pasar o día á praia. Botaron crema antes de tomar o sol na area, xogaron na auga ata cansaren, apañaron cunchas, pillaron cangrexos, xogaron ao fútbol e armaron castelos. E navegaron nunha lata de xoubas como se fose un veleiro; foron mar adentro pero tiveron que dar volta para non naufragar pois o mar picouse. Ao pisar terra de novo, respiraron tranquilos: moito medo pasaron.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".