Conta Pablo unha historia para ler na cama porque fóra vai moito frío...
Un sábado empezou a nevar tanto que a neve cubriu os coches... E seguiu, tapando as árbores, chegando ata o tellado da súa casa de tres pisos e... asolagando a terraza do edificio máis alto. A cidade desapareceu convertida nun cobertor branco.
Pasados sete días, derreteuse a neve, pero canda ela levou as cores. A cidade quedou, como unha pelicula antiga, en branco e negro. E como os adultos tiñan moito traballo atrasado, o alcalde encargoulles aos nenos que devolvesen as cores. Pintaron árbores violetas, semáforos de azul, camiños verdes con pintas encarnadas... Os maiores quixeron cambiar estas cores das cousas, pero a pintura non marchou. Teñen unha cidade ben fermosa. Se queres, vai vela, pero rápido: tes que ir antes da próxima nevarada.