Había unha vez un pai que tiña un fillo pequeno como un mosquito. Un día que foron coa mula (o rapaz ía na orella) buscar toxo ao monte, o pai vendéullelo a uns ladróns por unha bulsa de moedas. Así, gracias a el, que entrou polo ollo da pechadura e abriu desde dentro, puideron roubar na casa do cura. Mais como quedou durmido entre a herba da corte, unha vaca papouno sen velo. Cando a criada foi munxir pola mañá, ao oílo falar desde o bandullo do animal, avisou ao cura, que matou a vaca para descubrir tal misterio. Pero non deu con el: estaba entre as tripas, que comeu unha raposa. Desde o bandullo desta, o cativo convenceuna de que fosen á casa do seu pai pois tiña unhas galiñas ben mantidas. Comeu a raposa tantas que de gorda xa non daba saída polo portelo do galiñeiro. Entón o rapaz chamou polo pai, quen matou a raposa e liberouno. Fixera rica a familia, volvendo á casa san e salvo.
Sinxela adaptación do conto popular nunha edición espléndida.