No país dos números vivía Nada, que era unha fermosa fada que tiña forma de Cero a quen todos pretendían. Un, o rei dos Uns, cortexábaa para facer xuntos un Dez. Dous e Tres formaban con ela un Vinte ou un Trinta. Alporizado, o Catro berrou que con el o Cero tiña máis valor, pois formaba un número sagrado, o Corenta. O chepudo do Cinco alegou que con ela formaba o Cincuenta. Don Seis, o do bandullo, tamén se sumou pero irrompeu o detective privado do Sete, que a colleu do brazo disposto a formar con ela o Setenta. E non deixaron de aparecer o Oito e mais o Nove.
O Cero non vale nada, pero no país dos números sen el non hai festas.
Texto rimado sinxelo, presentado con letra caligráfica e ilustracións a toda páxina .