O moucho Rubén é garda. Desde o seu posto, todo estirado, vixía e controla que todo funcione como din as normas: os maiores ao traballo e os pequenos á escola, que voen os paxaros, que abran as flores e medren as árbores, que teñan auga as fontes e canten os grilos e as abellas fagan mel. Ao caer a tardiña mouchea forte para liberarnos dos medos da noite.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".