Un pastor que pasaba o día coidando as ovellas soñaba con que chegase unha pastora. Invocábaa tocando a frauta e cantando. Achegouse a escoitalo un corvo cunha espiña cravada nunha pata, que el lle quitou. Agradecido, o corvo levoulla a unha vella para que lla gardase ata o día seguinte, mais como pasaron tres días e non ía por ela, a vella usouna para manter a mecha dunha candea dereita e ardeulle a espiña. Cando lla veu reclamar o corvo, pediulle a candea a cambio, que lle levou a outra vella, a quen lla esmagou a vaca ao muxila, polo que a cambio deulle o animal, que a anciá lle mandou matar para comela a unha rapaza que lle traballaba na casa. Como ela só pensaba na carne que ía comer, e a rapaza estaba farta de traballar para a vella, a moza marchou feliz co corvo na cabeza. Que a levou onda o pastor, a cambio da frauta. Desde entón, o corvo percorreu o mundo enteiro cantando e tocando a frauta.
Adaptación do conto popular turco con espléndidas ilustracións a cores a toda páxina.