Cando naceu Tano, seus pais plantaron un Baobad, que medrou mais ca el. Ao cumprir cinco anos, como á árbore non lle fixeron festa, seu pai sachou arredor, súa nai regouna e el levoulle un pastel, que comeu o gato. Esa noite unha póla petoulle na ventá e levouno á festa da árbore onda outros animais. Ao soar o despertador e vir o día deixouno na cama. Ata outro aniversario, pois as árbores teñen máis memoria que a xente.
Edición especial multimedia con música de Marcial del Adalid interpretada pola Orquestra Sinfónica de Galicia e ilustracións a xeito de collage que completan este libro tan especial.