Era unha fermosa bolboreta que atopou unha cinta de cores. Púxoa e, con moita fachenda, asomouse á ventá. Pasou un cabalo, que lle pediu casar con ela, pero non lle gustou o seu berrar; tampouco o do boi, pero si o dun rato. E casou con el.
Un día, ao querer beber por ter comido unha casca de cebola, o rato caeu nunha ola de auga ao lume. E morreu. Entón Mariselda asomou á ventá chorando. Pasou o cabalo e, coa dor, pegou a correr. Enteirado o boi, deixou de comer. As pombas, cortaron os peteiros. E as pedras rodaron ata o mar, onde botaron toda a pena.