 |
Andrés conta coa
súa voz narradora que como non ten claro o que vai ser de maior
revolucionou a casa coas súas prácticas de aprendizaxe. Probou a
ser peiteador facéndolle coletas ao avó, cortándolle as
trenzas á irmá ou tinxíndolle o pelo de verde ao pai. Ata
que a nai o descubriu e rifoulle.
Pensou entón en ser bombeiro, pero
provocou lume no asador das sardiñas e non deu controlado a mangueira,
que se moveu como unha serpe de auga entolecida. Ocorréuselle logo que
podía ser camareiro, levándolles o almorzo aos pais á
cama, pero a mai, asustada, golpeou a bandexa ciscando todo polo
chan.
Enfadáronse os pais un pouco, pero ao ver as súas
bágoas, o pai abrazouno con abrazos de oso bo e a mai deulle un bico de
vainilla Porque aínda é demasiado novo para saber o que vai ser
de maior.
Álbum con ilustracións a cores a toda
páxina. |
