Carambeliña Polar é unha pequena folerpa que vive cos seus amigos, a foca, o oso polar, o cuco Nilo e o avó Friolo nas terras do Norte. Un día recibe unha carta na que se lle dá noticia da existencia e do paradoiro das súas irmás Pingoletiña e Gasosa. A raíz deste descubrimento a protagonista emprende unha longa viaxe ás terras do Sur co fin de coñecelas. Durante o camiño atópase co mago Corisco e o seu fantástico paxaro de xeo que a axudarán a chegar ao seu destino e cos que vivirá diversas aventuras.
O texto está acompañado de ilustracións en branco e negro nas que se emprega, ás veces, o recurso da colaxe.