Leo era un pequeno león de trapo que lle regalaron unha Noiteboa a María.
En canto o viu gustoulle a súa cara de bo e a melena despeiteada. Era tan gracioso que con só ollalo facía rir, afastaba a tristeza. Perdeu interese polos outros regalos pois el acaparou toda a súa atención. En todas as vacacións non se separou del, sempre a xogar: cociñáballe, bailaba con el, etc. Mesmo o deitaba con ela na cama, e dáballe consellos. Faláballe, pero el nunca contestaba. Entón, pediulle aos Reis Magos que lle trouxesen a voz ao seu león.
E fixéronlle caso: ao espertar da Noite de Reis, o león sorriulle e faloulle baixiño. Dende entón, xa nunca se separaron.