O rato Roxelio regaloulle a Luísa un lazo para o rabo cando cumpriu anos. Ela está tan contenta que pasa todo o día mirando para el, ata cando vai pola rúa. Por iso se deu un batacazo contra unha farola e mancouse nun brazo, na testa e nun dente. Entón enfadouse e tirou co lazo. E collérono os nenos para facer con el un papaventos.
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".