Aos veciños de Vilamel gustábanlles moito as filloas. Sobre todo no Entroido, cando eran un postre tradicional.
Dunha vez, chegaron na víspera dous estraños personaxes curiosamente vestidos, Coflá e Dogor, que roubaron na noite todas as tixolas da vila. As mulleres atopáronse entón con que non tiñan onde preparar as súas imprescindibles filloas polo que foron todas comprar á nova tenda de tixolas que abriran os forasteiros. Mais logo se decataron de que eran as súas. Corréronos a tixoladas, pero eles dous seguiron sen poñerse de acordo sobre a marmelada preferida, de amorodo ou de pexego.