Daquela, cando os animais falaban, vivía nun bosque un oso moi forte e arrogante. Cando escoitou que o home era máis valente ca el, sentiuse ofendido e decidiu ir na súa busca. Atopou un neno, pero seica aínda non é home, polo que seguiu camiño; un vello tampouco quixo competir con el, pois xa fora home, e aconselloulle que fose á ferrería. O ferreiro aceptoulle o combate, pero antes pediu poder quentar as mans. Quentou as tenaces na fragua e na pelexa espetoullas no fociño.
Liscou o oso laiándose pero congratulouse de que, tan sequera, o home o trincara só con dous dedos. E pasáronlle as ganas de volverse medir con el.
Nova entrega, en tapa dura e con ilustracións a cores, da colección de contos populares adaptados.