O grilo Filipe é moi coñecido polo ruído, máis que música, que fai. Érguese moi tarde, almorza e logo empeza. Non toca o violín ou frauta ou a gaita. Non toca instrumento ningún. Arma o seu barullo fregando as ás con xenio e co seu "cri cri" bota ata ben noite grileando sen parar. ¡É insoportable!
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".