Glub relata en primeira persoa a súa tranquila vida no acuario xunto aos seus compañeiros. Descríbenos a Guá, "un tío que sempre está filosofando"; Blop ou "Coliña", que só pensa en durmir; e Gulp "Ollos grandes", que sempre anda a porfiar cos outros.
Un día chega ao acuario Blef, un peixe grande e de moitas cores que resulta ser moi fachendoso e desagradable e ademais come toda a comida que lles botan os amos. Os demais peixes tentan buscar unha solución e así descobren o punto débil de Blef: póñenlle medo as tartarugas. Ao final por medio dun engano conseguen que pida perdón e a harmonía volve ao acuario.