Nas festas do pobo Luísa mercoulles cadanseu globo aos ratiños. Aínda deron ben voltas para decidirse, pero ao final escolleron os máis grandes. ¡Moito brincaron con eles! Case llelos leva o vento. Pero o peor de todo foi que o azul estoupou, o vermello foise voando e o amarelo perdeu todo o aire por un burato. Ben pouco lles duraron. Pero non importou; seguiron a festa e pillaron unha enchenta.
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".