Érase unha vez un muiñeiro que ao morrer deixou en herdo aos seus tres fillos o muíño, a mula e o gato. O máis novo tivo que se conformar co gato, que pouco lle podería axudar a gañar a vida. Disposto a demostrarlle o contrario, marchou este con saco e botas.
Facéndose o durmido, cazou un coello, que lle levou de agasallo ao rei en nome do seu amo, o suposto Marqués de Carabás; logo, dúas perdices. Cando a comitiva real pasou por onda o río, o gato argallou que lle roubaran as roupas ao mociño e conseguiulle do monarca un traxe dos mellores co que deixou prendada a princesa. Conseguiu que os labregos dixesen que as súas terras eran do marqués. E enganou ao ogro, gabando a súa habelencia para se converter en león e logo en rato, que o gato papou, quedando deste xeito co castelo para o seu amo. Nel, logo de beber uns grolos de viño, o rei ofreceulle a filla. Aquela mesma tarde casaron. E o gato converteuse nun Gran Señor, que só corría detrás dos ratos para entreterse.
Adaptación a partir do texto clásico de Perrault con espléndidas ilustracións.