Como o circo pechou, Lucas, fillo de pai domador e mai trapecista, ten que ir á gardería. O que atopa ao chegar é brétema de fume de tabaco e toses de pulmonía. Os rapaces están rodeados de vermes patóxenos que contaxian otites, catarros, gripes, lombrigas ou pulmonías. Decide actuar para amañalo. Desafía aos virus e derrótaos, pechándoos nunha gaiola. Mais cando chega dona Bixelmina mándalle ceibalos, pois quere que os rapaces se inmunicen estando en contacto con eles, para que así non collan ningunha enfermidade no resto da súa vida. Cando os libera, as feras desapiadadas abrázanse a dona Bixelmina. ¡Ela prefire os microbios aos rapaces!
Mais Lucas dá coa solución: vai buscar todas as feras do circo. E a partir dese día hai unha nova gardería.
Conto rimado en formato álbum con ilustracións a cores.