Olalla González: Garavanciño
Ilustracións de Marc Taeger
Col. Os Contos do Trasno. Kalandraka Editora. Pontevedra, 2008

Había unha familia que tiña un fillo tan pequeno como un garavanzo, e por iso decidiron chamarlle Garavanciño. Un día que á nai lle cumpría o azafrán para facer o xantar, ofreceuse el a ir buscalo á tenda. E foi cantando, para que non o pisasen ao non o ver por ser tan pequeniño. Logo, ofreceuse a levarlle o xantar ao bosque ao pai, mais como deu en chover refuxiouse debaixo dun repolo, onde quedou durmido. Pasou un boi famento e comeu o repolo e con el a Garavanciño, a quen rescataron os pais, que andaban á súa busca, pois el faloulles dende a barriga do boi: déronlle a comer tantos repolos que o animal botou un peido e con el saíu o cativo. Que puido volver así para casa, cantando a súa canción.
Adaptación a partir do universal conto popular en formato álbum con ilustracións de trazo elemental e inxenuista buscando a identificación gráfica co lectorado.