O galo Quirico foi invitado á voda do tío Perico. Como era moi presumido, arranxouse ben e botou a andar. No medio dunha bosteira atopou un verme que tamén quería ir; aceptou levalo no papo e papouno, emporcando así o pico. Intentou que llo limpase a leituga, pero esta negouse ao oír berrar o verme na barriga do galo; buscando vinganza, foi sucesivamente onda a cobra, o pao, o lume e a chuvia, pero en todos os casos tivo que liscar pois tamén se solidarizaron co bechiño.
Ao chegar á casa do tío Perico, a cociñeira preparouno con arroz e serviuno no banquete. Así participou na voda o galo. Por certo, o vermiño escapou cando a cociñeira meteu o galo na tarteira.
Recreación do conto popular impecablemente editada.