Selección de contos populares adaptados polo Colectivo Crisol.
"As fillas do zapateiro" trata a historia dun zapateiro que tiña tres fillas. A máis pequena é obxecto das envexas das súas irmás pola súa beleza e bondade e porque o príncipe a elixe para casar. A irmá máis vella, por celos, desfaise dos xemelgos da parella.
En "O vello do monte" cóntase como a pobreza de Andrés e a súa familia se soluciona coa axuda dun vello que converte os obxectos cotiáns en máxicos.
En "A princesa e o xigante" nárranse as aventuras dunha princesa, secuestrada por un xigante, porque os seus pais non cumpriron a promesa de entregala o día do seu nacemento e como, axudada polos fillos do xigante, consegue escapar.