Como hai festa na vila da rata Luísa, estrean roupa e acompañan a banda na súa alborada. Logo, montan no tren, nos cabaliños e nos coches de choque. Mercan remuíños e toman pasteis, refrescos, nubes de algodón e garrapiñadas. E volven inchados de tanta lambetada.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".