Uxía de Portosouril conta por qué os pardais acoden en masa á casa dos fachendosos Indalecio e Teodosia.
Eles foron os que a tiraron a ela no faiado, desprezándoa por ser unha boneca, e alí viviu aburrida e triste ata que un día amistou co gato Gato, que nunca xogara a nada porque nunca puidera saír do faiado. El só quería xogar se había sardiñas polo medio. Entón ela pediulle aos ratos que fixesen un furado, e o domingo á hora na que os amos estaban na misa baixou á cociña, onde pillou sardiñas, un anaco de queixo e unhas codias de pan. E xuntáronse á enchente o gato, os pardais e os ratos. E desde entón todos os domingos fan a súa festa no faiado, á que os pardais aportan as froitas que traen das árbores.