Hoxe é un día especial porque Noa celebra unha festa cos amigos no xardín da súa casa pois cumpre anos. Noa sopra as candeas e pide un desexo, mentres todos lle cantan unha bonita canción. Xogan cos globos, Xurxo rompe unha piñata chea de lambetadas que pendura dunha corda e logo bailan coa música do cd que lle regalaran a Noa, aínda que Lía ten vergonza porque non sabe bailar. E a festa de aniversario remata bañándose todos na piscina, pois fai moita calor.
Nova entrega desta serie de aventuras dos catro amigos, na que as ilustracións xogan un papel moi relevante ao servicio do texto mínimo, de dúas liñas.